從來無想過星期五可以睇到The Mentalist, 今次奇蹟出現左, 上天可能真係知道我好想睇. 感謝上天安排這個奇蹟.

Jane變回以前的模樣, 對觀眾黎講, 就係New Jane ! 在調查消防員被殺一案, Jane遇襲而導致局部失憶. 醫生指出JANE是潛意識想封鎖一段悲傷的回憶. Jane看似開心了一點點, 做回神棍! 因為失憶的Jane, 行為跟以往不同, 令我覺得好爆笑, 竟然問Lisbon: " are we sleeping together.", 重回CBI Office 對Van Pelt有點油腔滑, 扮靈媒揩油攬女, 仲摸Lisbon腎部, 一副登徒浪子的模樣. 無左傷心記憶, 但觀人於微, 猜人心意的技倆猶在, 繼續替警方破案及尋開心. 不過, Jane完全無打算尋回自己的記憶, Lisbon向Jane提起他手上的結婚戒指, JANE亦無意追查自己的過去及自己的家人, 只說婚戒是贏取女性信任的方法.擺明係逃避, 心裡有數, 唔會係開心事, 因為如果有個Happy Family, 點會自己獨自留院, 無人探病. Jane 幫兇手的女兒找公仔, 我相信點都勾起Jane小小回憶, 佢唔係完全欺騙CHO. 在醫院, Jane說知道Lisbon他們努力隱藏著一個悲劇真相, 然後Jane表態: "I'm just happy, just let me be happy!" , 逃避之心昭然若揭, Lisbon聽到呢句話, 雖然很捨不得, 但佢真係好想Jane開心, 本來都打算讓Jane如願, 讓Jane離開CBI, 但Jane故態復萌, 竟然連贓款都偷走, Lisbon怎能容忍 ? Lisbon唯有帶Jane重回傷心地, 迫使Jane面對現實. 看到結尾, Jane的表情及背影, 開心夢醉了,有點心酸. 做回好人的代價!! 這個ENDING的處理手法很好, 沒有淚水, 沒有對白, 大家都感受到那份沉重.
沒有留言:
張貼留言