Dawson's Creek(1998 - 2003 ) - 一部美國校園劇, 偶像劇. 本來我對這種類型的劇集, 一點兒興趣也沒有. 2007年, 買了final season, 因為有jensen ackles 客串. 當時只看了jensen個part.
今年重看, 但我終於把fianl season 全部睇哂, 因為d 演員, 我已經知道佢地個名.
katie holmes - tom cruise 既太太, joshua jackson- fringe既男主角, michelle williams 斷背山女主角, kerr smith- my bloody valentine. 雖然我都係唔知道演dawson既男主角 james 演過什麼電影, 電視, but 睇完 season 6, 我就好想睇番, 前幾個season, 呢班由high school 開始認識, 做朋友, 去到現在既經歷. 特別係 joey , pacey, season 6 , 佢地真係好有火花.....
看過一些文章, 指Dawson's creek是美國青少年成長教材, 睇完整個劇, 都有D明白, 點解會咁講. 呢個劇, 同好多青春校園劇, 偶像劇一樣, 圍繞家庭, 愛情, 友情發展.
可能好少睇呢D劇, 睇睇下, 覺得好有趣, 雖然校園生活對我黎講, 好像已是遠古的事, 而香港的校園生活又有別於美國的, 但因為有分別, 才令我感到好奇.
故事發生在一個純樸美麗的小鎮CAPESIDE, 男主角Dawson 是電影的愛好者, 就是初吻, 都要求有電影感, 要在好浪漫的氣氛下, 才會顯出初吻, 守身如玉. 他有一位青梅竹馬的朋友JOEY, 亦誓要追尋真愛, 所以不會亂搞男女關係. 所以從小時候, DAWSON 與JOEY有時候, 會睡在一起. 但不會胡來, 不會發生關係. DAWSON同JOEY這種親密的朋友關係, 始於JOEY不大好的背景.
JOEY母親早死, 父親坐牢, 家姐未婚懷孕, 家姐男友更是一名黑人. 某程度上, JOEY 被一些鎮上保守的人士 歧視, 被人在背後說三道四, 從小時候開始, 正直溫和善良既 DAWSON就是JOEY的精神依靠, 開始的時候是一種好單純的友誼. 當然小女孩到了青春期, 還是會暗戀傾慕這位哥哥.
兩小無猜的故事, 好多電影, 電視劇都有, 但呢個劇, 觸動到我, 可能我真係喜歡一D唔完整中, 追求支持的情節. 例如SUPERNATURAL , DEAN從小就沒法子擁有一個完整的家, 但他會竭力去保護父親, 細佬...... JOEY的背景有問題, 但DAWSON沒有世俗人的眼光去看她, 反而如哥哥般支持她.
背景複雜的JOEY之外, DAWSON 還有一個常愛搗蛋, 讀書成績很差, 自嘲是鎮內的大笑話的PACEY, 由於父親輩是好友, 於是DAWSON跟PACEY亦是從小玩到大的好友.對 PACEY黎講, 父親, 兄長從來都看不起自己, 更曾經聽過父親說 "好在還有DOUGLAS(PACEY哥哥)", 所以內心充滿自卑. 這是家人造成他的心理創傷.
事實上, PACEY 是很聰明的一位年青人. 劇集第一季, PACEY是15歲的年青人, 處事時有幼稚的一面, 但卻也有非常成熟的時候. 有時候, 我覺得編劇把這角色寫得太成熟了, 不像現在的TEENAGE. 第一季, PACEY愛上英文老師TARAMA JACOBS.
PACEY對老師有點咄咄逼人, 但他完全掌握到TARAMA的心態, 他跟TARAMA的對話, 真的非一般年青人可以做到. 老師也折服了說, "You're not a boy" . 呢段師生戀, 係有著人物的心理矛盾, 老師害怕對學生造成影響, 傷害, 但PACEY卻說自己都要承擔責任. 到最後, 去到法庭, 因為他們這種師生戀, 是觸犯法例. 當然被人告的, 一定是老師. PACEY 為了保護老師, 說了一個美麗的謊言. 老師亦離開了CAPESIDE. 難以相信15歲的年青人可以如此成熟去處理這種情況.
劇集內, 第一季, 還有一名來自紐約的問題少女JEN. 生於紐約, 父母分開, JEN 12歲失身, 生活糜爛, 所以被父母送到CAPESIDE跟祖母同住, 過回一些純樸的生活. JEN本身有點憤世嫉俗, 雖然想做回一個正常人, 但內心的憤怒, 有時候會以性來發洩, 容易跟男士發生關係. 渴望得到真正的愛情, 卻從來沒有得到. 她是全劇最不幸的角色.
Dawson's Creek 六季之中, 我最喜歡第二季. 第二季加入了Jack McPhee , Andie McPhee兩兄妹. 哥哥Jack 是同性戀者, 妹妹Andie是精神病患者, 他們的母親也是精神病患者.
呢季的內容都幾煽情. ,但我都睇到好感動.
Andie初到CAPESIDE, 隱瞞大家有一個患精神病的母親, 因為怕遭受歧視. JACK更因為妹妹及母親, 所以沉默寡言, 總是一副有口難言的樣子.
鬥氣冤家變情侶, 呢D公式化劇情, 全世界合用, DAWSON'S CREEK入面, Andie 同Pacey都係咁. 橋唔怕舊, 最緊要令人感動. Andie 令到Pacey明白到自己的存在價值.
在學校舞會那一場戲, Pacey 終於可以跟夢中情人KRISTY跳舞, 但這也傷害了Andie. Pacey 終於明白到自己在ANDIE心目中的形象, 聰明, 有趣隨和, 不會對別人妄下判斷,Pacey 從Andie身上, 獲得肯定. 後來, Andie 迫Pacey 讀書, Pacey 拿了一生人的第一次 A. Pacey 自我價值提升了, Andie幫他展開了人生新的一頁. 還有, 就是Andie同Pacey父親在電話中交談, 令到Pacey父親明白到自己對兒子的態度是有問題, 當Pacey 父親對Pacey 說Andie asked me to give you something , 跟著父親擁抱兒子, Pacey 哭起來. 這可能是第一次, PACEY跟父親如此親密, 因為ANDIE, PACEY第一次感受到父愛.
Andie 真的好愛Pacey , 就算後來, 分手後, 她仍深愛著他, 當她知道 Pacey 愛上Joey, 她含著眼淚, 勸Pacey 不要逃避, 要他贏JOEY回來.
Pacey 對 Andie, 亦有著一份愛的包容與忍耐. 當知道Andie 母親是精神病患者, 他願意幫助Andie, 有一次超級市場內, Andie母親病發, 不願意回家, 店員, Andie也不知所措, Pacey 神態自若, 好似兒子跟母親說話般, 逗Andie母親, 這一幕真的好SWEET.
事後, Andie感動到跟Pacey說:" Proud of you ", Pacey 回敬了一句: 第一次有人說proud of him . 因為在家人及老師心目中, Pacey 永遠是最糟糕的一個. 後來, Andie 也病發了, 常妄想跟死去的哥哥對話, Andie更把自己鎖在房中, Pacey 哀求Andie 選擇自己, 不要跟隨死去的哥哥.
看畢第二季, 總覺得Pacey, Andie係絕配, 兩人互相支持對方, 啟發對方. 但去到第三季, 編劇當然要加D更煽情元素. 兩個好朋友愛上同一個女仔. Pacey , Dawson Joey三角關係, 咁就犧牲左 Andie 同Pacey 條感情線. 看到網上, 其實都有D粉絲希望Andie 同Pacey一齊, 而唔係Joey 囉.
沒有留言:
張貼留言